କାଏରୋ, ୪।୩ : ମିଶରରେ ଆତଙ୍କବାଦ ବିରୋଧୀ ସର୍ଚ୍ଚ ଅପରେଶନରେ ୪ ସୈନ୍ୟଙ୍କ ମୃତ୍ୟୁ ଘଟିଛି। ସିନାଇ ଅଞ୍ଚଳରେ ଜାରି ରହିଥିବା ଆତଙ୍କବାଦ ବିରୋଧୀ ଅପରେଶନରେ ଏପରି ଘଟିଥିବା କଲୋନେଲ ତାମେର ରିଫାଇ ରବିବାର ସୂଚିତ କରିଛନ୍ତି। ଉତ୍ତର ଓ କେନ୍ଦ୍ରୀୟ ସିନାଇ ତଥା ନୀଳନଦୀ ଉପତ୍ୟକାରେ ସେନାବାହିନୀ ଯୁଦ୍ଧବିମାନରୁ ବୋମାମାଡ଼ କରାଯାଇଥିଲା। ଏଥିରେ ୬ଜଣ ଆତଙ୍କବାଦୀଙ୍କ ମୃତ୍ୟୁ ଘଟିଛି। ସେହିପରି ପୂର୍ବରୁ ଉତ୍ତର ସିନାଇ ଅଞ୍ଚଳରେ ସେନା ଆକ୍ରମଣରେ ୧୦ ଆତଙ୍କବାଦୀଙ୍କ ମୃତ୍ୟୁ ଘଟିଥିବାବେଳେ ୨୪୫ ସନ୍ଦିଗ୍ଧ ଆତଙ୍କବାଦୀଙ୍କୁ ଗିରଫ କରାଯାଇଥିଲା।